chegada das mochilas viaxeiras

Onte chegaron as mochilas viaxeiras das segundas familias, igual que ocorrera na primeira viaxe, a todos lles parece unha idea moi interesante que os anima a ler e a disfrutar do cine en familia. O libro Veu visitarme o mar, de Rosa Aneiros, é o máis comentado polos pais e os comentarios dos alumnos son sempre das películas e dos cómics.Entre as propostas que nos fan para futuras viaxes están: Memorias dun neno labrego, libros de lectura de mate, novidades xuvenís,etc.
O luns, as mochilas emprenderán unha nova saída acompañando a catro novos alumnos de 1º de E.S.O.

día das matemáticas

No ano 2000, a Federación Española de Sociedades de Profesores de Matemáticas acordou celebrar o 12 de maio de cada ano como día das matemáticas.
A data elixida é a do nacemento de D. Pedro Puig Adam, matemático español, catedrático do Instituto San Isidro de Madrid, e unha das poucas autoridades en didáctica das matemáticas do noso país recoñecidas mundialmente.
Estaremos toda a semana con actividades relacionadas coas matemáticas que deron comezo onte coa proxección da película "La habitación de Fermat", que resultou ser un éxito entre alumnos e profesores. A película abriu o camiño para formular problemas e acertixos que iremos resolvendo estes días e tamén para facer averiguacións sobre a vida e obra de matemáticos que se nomean alí. Conseguimos así, que os alumnos de 1º e 4º da E.S.O. fixeran unha exposición, que permanece na biblioteca, na que podedes descubrir datos de Hilbert, Fermat, Galois, Nash, Vázquez Queipo, Susana Mataix.....

1º CERTAME DE MICRORRELATOS

A Biblioteca xunto co Departamento de Normalización Lingüística organiza o 1º certame de microrelatos, dentro das actividades programadas neste mes das letras. aquí

Club de lectura da E.S.O.

Hoxe levouse a cabo a xuntanza sobre o libro "O neno do pixama de raias" na que participaron oito alumnos dos dous ciclos da E.S.O. e tres profesores. En xeral, o libro agradou moito e todos salientaron o aspecto tan cruel que viviron os personaxes. Coa esperanza de que non existan alambradas continuamos neste club a espera doutra lectura.