NORMALIZACIÓN E DINAMIZACIÓN LINGÜÍSTICA

CURSO 2018-2019

MULTIAVENTURA EN GALIPARK

O alumnado de 1º e 2º de ESO acudiu o 23 de Maio a Galipark, un parque multiaventura onde fixeron todo tipo de actividades: paintball, patinaxe, tiro con arco, piscina, deslizador, tramo de altura con 300m de tirolina..

DEPORTE EN IGUALDADE
MUXÍA 16 DE MAIO
O IES Ramón Caamaño de Muxía foi novamente o anfitrión do alumnado da Costa da Morte para facer deporte a semana das letras galegas, este curso denominárono deporte en igualdade. Do noso centro, acompañados pola coordinadora do EDNL e o profesor de Educación Física, asistiu todo o alumando da ESO.


FALLO DO XURADO. CONCURSO DE MICRORRELATOS
Un curso máis o xurado do XII concurso de microrrelatos resolviu a favor dos microrrelatos 
Miebrado e Unha loita histórica.

RELATO PREMIADO DA CATEGORÍA A

MEIBRADO

Conta a lenda do invencibel Meibrado que un día detectou un perigo
nunha vila costeira chamada Ibrad. Saiu investigar. Ao chegar, Meibrado
non cría o que vía: un mar negro, un ceo cuberto de nubes e un monstro
xigantesco chamado Raiado que lanzaba raios a decote. Pero Meibrado
pelexaría ata derrotalo. Tomou o vo e disparoulle balóns de fútbol. Raiado
contestoulle cunha tormenta eléctrica que Meibrado empregou cara a súa
contra, mergulliuse no mar e conduciu a electricidade cara Raiado.
Finalmente, tocoulle unha canción coa guitarra, durmiuno e devolveuno
ao seu mundo. Dende aquela, Meibrado é o héroe de Ibrad.

Carmelo Cambeiro Domínguez
1º da ESO

RELATO PREMIADO DA CATEGORÍA B

UNHA LOITA HISTÓRICA

Ergueuse da cama coa paixón de Marie Curie, mirouse ao espello
véndose como Hedy Lamarr e saíu á rúa coa decisión de Simone
de Beauvoir. Sentíase inspirada como Frida Kahlo e tiña a mente
rompedora de Coco Chanel. Comezou a pensar “son muller nun
mundo de homes” pero lembrouse de que tiña a valentía de
Xoana de Arco.

Zoraida Barrientos Rey
2º Bacharelato C
TEATRO
O alumnado do Fernando Blanco acudirá á representación da obre A primeira vez do grupo ceense Talía Teatro.  Dende o EDNL agradecemos a Talía a súa invitación.

CONCURSO DE MICRORRELATOS

XII CERTAME DE MICRORRELATOS IES FERNANDO BLANCO

EQUIPO DE NORMALIZACIÓN E DINAMIZACIÓN LINGÜÍSTICA

 E EQUIPO DA BIBLIOTECA

BASES

1. QUEN PODE PARTICIPAR?

Poden participar tod@s @s alumn@s do IES FERNANDO BLANCO.

2. CATEGORÍAS:

Establécense as seguintes categorías:

Categoría A - Alumnos/as de 1º, 2º e 3º da ESO, F.P. Básica e ESA.

Categoría B - Alumnos/as de 4º da ESO, Bacharelato e Ciclos Formativos.

3. MICRORRELATOS:

Os microrrelatos presentaranse mecanografiados e non poderán superar as 100 palabras. Cada alumn@ poderá presentar un máximo de dous relatos.

4. PREMIOS:

Concederanse dous premios por categoría en material didáctico.

5. PRAZO DE PRESENTACIÓN.

A recepción de orixinais rematará o venres 29 de marzo ás 14:00 horas.

6. MODO DE ENTREGA

Os orixinais presentaranse nun sobre pechado, dentro do cal haberá outro sobre, tamén pechado, que conteña no seu interior os datos do/a autor/a. No exterior de ambos os dous sobres figurará o lema ou pseudónimo que o autor/a elixa, así como a categoría pola que se presenta (A ou B).

7. LUGAR DE ENTREGA

Os sobres entregaranse no Departamento de Orientación do centro, facendo constar a súa participación no certame.

8. XURADO

O xurado do certame estará composto por cinco profesores/as do centro.

9. FALLO DO XURADO E ENTREGA DOS PREMIOS.

O resultado darase a coñecer o venres 12 de abril, na Gran Final de O Saber ten Premio no IES Fernando Blanco.

A presentación a este XII Certame de Microrrelatos supón a aceptación destas bases.

MAGOSTO
O xoves 15 de Novembro celebramos o magosto, festa tradicional galega que se celebra no outono. No noso centro, a parte da degustación das castañas e chocolate quentiño, desenvólvense xogos populares acompañados de música galega.

SAMAÍN
Un curso máis, o EDNL organiza a marabillosa actividade do Samaín xunto co grupo de teatro Tuéjele e o equipo da biblioteca.
Deixámosvos unha pequena proba do que sucedeu na biblioteca durante dous días.

Un curso máis a celebración do Samaín no Fernando Blanco foi un éxito!!
Houbo varios pases de lecturas dramatizadas para o alumnado do centro e este ano por primeira vez houbo un pase especial para os usuarios de APEM e familias das actrices e actores.
Moitas grazas a todos e a todas por vir.
ATA O ANO QUE VÉN!!
Lista de lecturas:
- As xemelgas.
- Un paquete para Laura.
- Adeus Papá.
- Estranxeira na súa patria.
- Esta neniña ten sono.
Este curso, como novidade, introduciuse a lectura de dous preciosos poemas do libro Follas Novas de  Rosalía de Castro:
- Claustro.
- Dulce Soño.

CURSO 2017-2018

ACTIVIDADE FIN DE CURSO 

Para finalizar o curso ao aire libre, o departamento de Educación Física, orientación e o equipo de normalización lingüística organizaron unha actividade deportiva para todo o alumnado da ESO no marabilloso enclave do Ézaro. Desenvolvéronse diversas actividades entre as que destacaron os xogos libres, tiro con arco e piragüa.

CONCURSO DE MURAIS DE AZULEXOS LAR

O equipo de normalización e dinamización da lingua galega colabora activamente co profesor de plástica na elaboración do proxecto e da memoria do concurso de murais de azulexos organizado pola empresa ceense Lar. Este ano foi o VII concurso e o IES Fernando Blanco obtivo o 1º premio coa súa obra do Faro da Illa de Lobeira Grande.

O xurado estivo composto por Félix Quintero presidente do Club Carrumeiro, o profesor e crítico de arte Antón Castro, a técnica cultural e artista muxiá Viki Rivadulla, o fotógrafo de Baíñas, Antonio Nodar, a xerente de LAR, Tatiana Rodríguez, o xefe de vendas de Mapei en España, Albert Corina, e o director da revista L'informatiu, Ramón Capdevila.

XORNADA DE CONVIVENCIA E DEPORTE EN GALEGO

Imaxe de benvida na entrada do IES Ramón Caamaño, Muxía.

As alumnas e alumnos da ESO do IES Fernando Blanco acudiron á Xornada de deporte en galego que se desenvolveu no IES Ramón Caamaño de Muxía onde participaron, ademais dos anfitrións e o Fernando Blanco, o IES Agra de Raíces de Cee e o Fin do Camiño de Fisterra.

Unha xornada de deportiva e de convivencia acompañados de Silvia, coordinadora do ENDL e de Domingo, profesor de educación física.

Enlace á noticia de prensa dixital.

Concretamente o mércores 16 de maio o noso alumnado da ESO desfrutou dun fantástico día en Muxía xunto aos seus compañeiros/as dos institutos de Muxía, Fisterra e Cee.

Ao longo de todo da mañá competiron a : Fútbol 5x5, Baloncesto 3x3 Voliebol 6x6, Badmingon individual , tenis de mesa individual e cross (3 km de percorrido pola vila). Finalmente unha camiñata de confraternidade levounos á praia de Lourido, onde comeron e pasaron parte da tarde.

O obxectivo, ademais de celebrar as Letras Galegas dun maneira diferente, era promocionar a convivencia entre os membros das diferentes comunidades educativas da Costa da Morte e o desfrute do tempo de lecer e de prácticas saudables, baixo o lema "Fagamos deporte en galego".

A FORZA DAS PALABRAS

O Equipo de normalización e dinamización da lingua galega encheron os corredores do centro de fermosas palabras en galego. Recompilamos algunha neste vídeo.

Feliz Día das Letras Galegas

OLIMPÍADA CULTURAL
Un curso máis, e xa van 8, o equipo de normalización lingüística colabora activamente na Olimpíada e concretamente na Gala da mesma.
Este curso, os equipos finalistas foron Os aforzunados, X e Triunfo, sendo gañador o equipo Trinfo e quedando o equipo X de segundo.
Parabéns a todas e a todos!!

MICRORRELATOS 

O microrrelato premiado nesta XI edición do concurso organizado pola biblioteca e o ENDL foi: CANDO ESPERTAS de Paula Pérez Trillo de 3º de ESO.

PARABÉNS PAULA!! A SEGUIR ESCRIBINDO!!

XI CONCURSO DE MICRORRELATOS

CONVOCATORIA E BASES EN FACEBOOK BIBLIOTECA IES FERNADO BLANCO

SAMAÍN CURSO 2017-2018




NATUREZA E XOGOS
O venres 9 de xuño o ENDL, xunto co departamento de Educación Física organizou unha saída pola contorna cos alumnos de 1º e 2º de ESO. 
Os alumnos e alumnas de 2º de ESO partiron camiñando do centro até a praia de Estorde facendo un roteiro polo monte. Alí esperábanos os compañeiros de 1º de ESO para partiparen todos en diversos xogos organizados. Xogaron aos bolos, tiro con aro, paseos en kayaks e competiron en campo americano. 
Unha mañá compartindo momentos de lecer como se pode observar nas fotos.

OLIMPIADA " O SABER TEN PREMIO"
O venres 19 desenvolveuse a gran final da olimpiada cultural O saber ten premio. Chegaron á final 3 equipos que contestaron un total de 20 preguntas en directo e con un contador temporal. Unha vez eliminado un equipo participaron no debate os outros dous equipos quedando como gañadores o equipo, Nunca choveu que non escampara. 
Parabéns a tódolos participantes!!!

PREMIOS MICRORRELATOS
Na gala final da Olimpiada do Saber tamén se fixo entrega dos premios do concurso de microrrelatos. Houbo dúas categorías nas que se entregaron 3 premios, dous na categoría A (1º, 2º e 3º de ESO) e un na categoría B(4º, bacharelato e ciclos).
As premiadas na catogoría A, foron as alumnas: María Caamaño Vázquez co microrrelato Eu son, 2º premio e Paula Pérez Trillo, 1º premio, co relato Corro. E a premida na categoría B foi Alexandra Verdía Couto co relato O principio.
No seguinte enlace podedes ver os microrrelatos gañadores e participantes.

LETRAS GALEGAS

O cómico galego Pedro Brandariz acercouse ata o noso centro para contarnos historias sobre a língua e a cultura galega. Dúas sesións moi ben acollidas polo alumnado que se divertiu cos seus contos e aventuras.

SUBIDA Á MOA

Como vén sendo habitual no IES Fernando Blanco, o EDNL acompañado doutros departamentos, organiza cada curso académico unha subida ao Monte Pindo, concretamente ata a súa cima, coñecida como A Moa. Esta actividade pretende que dar a coñecer ao alumando un ben comunitario que moitos deles, a pesares de vivir ao seu pé non o coñecen. É unha actividade cultural, interdisciplinar, de convivencia....que remata finalmente na praia do Pindo con xogos populares.

MICRORRELATOS 2016-2017

Animádevos a participar no concurso de microrrelatos organizado polo EDNL e a biblioteca do centro.

SAMAÍN CURSO 2016-2017

Un curso máis, pasámolo de medo na biblioteca!! Alumnos e alumnas do grupo de teatro representaron historias aterradoras durante varias sesións da mañá. Parabéns a todas e a todos dende o ENDL co que colaborades cada curso, grazas!!

CURSOS ANTERIORES

Aquí tedes algunha das fotos do Correlingua en Rianxo con música de Emilio Cao.

SENDEIRISMO EN CALDEBARCOS
O luns 3 de maio as alumnas e alumnos de bacharelato acompañados de Manuel,Silvia, Lois e Turnes percorreron a Ladeira Sur do Monte do Pindo, zoa de interese paisaxístico, etnográfico, botánico etc. Elixiron a ruta, Nin un paso sen vistas,e podedes comprobar nas fotos que efectivamente é certo. Se queredes información pinchade neste link.
Probas gráficas da actividade....


Este foi o cartel gañador do concurso de slongan, feito por Andrea Castiñeira Canosa de 4º ESO.

Estes son os carteis participantes no concurso, tamén están no taboleiro do corredor.

II CONCURSO DE SLOGAN EN DEFENSA E PROMOCIÓN DO GALEGO

ORGULLOS@S DO NOSO, ORGULLOS@S DO GALEGO


IMAXES DO ACONTECIDO NA NECROTECA DURANTE A CELEBRACIÓN DO SAMAÍN

Hoxe celebramos o samaín no instituto!!!
Alumnas/os e profesoras/es convertirán a biblioteca á última hora da mañá nunha "necroteca",leeremos contos de terror, historias de medo.......e todo ambientado para o momentoooo.....
A próxima semana teredes aquí probas do sucedido.