viernes, 24 de marzo de 2017

Encontros PLAMBE

O Venres 17 celebráronse en Santiago os Encontros do Plan de mellora de bibliotecas escolares galegas. No seguinte enlace está o acceso aos materiais.
Materiais dos encontros en rede.

jueves, 24 de noviembre de 2016

Adeus a Narf

O pasado 15 de novembro faleceu o compositor e cantante galego Francisco Xavier Pérez Vázquez coñecido como Narf, que visitou o noso centro hai dous anos
Sempre nos quedará a súa música:
             

martes, 15 de noviembre de 2016

Voluntariado na Biblioteca escolar

A Dirección Xeral de Centros e Recursos Humanos acaba de publicar a convocatoria de Bibliotecas Escolares Solidarias  na que se engloba o programa Voluntariado na Biblioteca escolar destinado a alumnado de secundaria que estea disposto a colaborar en actividades da biblioteca do centro: colocación, programas de lectura, dinamización...
A final de curso a consellería, unha vez probadas as horas de colaboración, emitirá os diplomas para o alumnado colaborador.
Podedes solicitar a documentación para inscribirvos na biblioteca aínda que o martes 22 convocámosvos a unha reunión na biblioteca no recreo para informar sobre este programa.
Animádevos a colaborar!!!

sábado, 12 de noviembre de 2016

130 Aniversario de Queixumes dos Pinos

Este sábado 12 de Novembro celébrase o 130 aniversario da publicación do libro de Eduardo Pondal, Queixumes dos Pinos. O luns 14, ás 12:20h no salón de actos do instituto, farase a presentación da reedición do libro, para a que contaremos coa presenza da escritora ceense Concha Blanco acompañada do benquerido profesor do centro e investigardor Félix Neira.


viernes, 13 de mayo de 2016

As Memorias dun neno labrego no noso IES

O pasado mércores 11 de maio tivemos a sorte de acoller no noso instituto a Cándido Pazó representando as Memorias dun neno labrego, do xenial Xosé Neira Vilas. A actividade, organizada polo Equipo de Dinamización Lingüística, foi un rotundo éxito. Todos gozamos coas memorias, rimos e emocionámonos. O valor do teatro e a sensibilidade sempre serán sinais de identidade de noso! Graciñás, Cándido Pazó pola túa inmensa achega!

Subida á Moa

Como todos os anos, e organizado polo Equipo de Dinamización Lingüística, este mes de maio boa parte do alumnado achegouse á máxica contorna do Monte Pindo subindo ata a Moa. Expedición de valentes mozos e mozas do IES Fernando Blanco con posterior baixada á praia de Caldebarcos. Día de convivencia, de contacto coa nosa mellor natureza, de suores, mais tamén de risos e alegrías.

lunes, 7 de marzo de 2016

Novas do Club de Lectura

Continúa moi activa a marcha do club de lectura con propostas de grande interese. No pasado mes de febreiro, o club submerxeuse na fantástico mundo do cinema, a ilustración e as historias entrañables coa lectura da obra La invención de Hugo.
Neste mes de marzo, o club aposta decididamente polo xénero narrativo breve da man dun mestre do xénero, Roal Dahl, e a súa colección de contos Relatos de lo inesperado. Agárdannos a intriga, o humor negro e os desenlaces sorprendentes. 


martes, 16 de febrero de 2016

Tercio de Castelnuovo, Rafael Poncela

Moi felices estamos dende esta biblioteca ao saber que o noso compañeiro de Historia, Rafael Poncela, vén de publicar a súa novela Tercio de Castelnuovo. Tras un arduo labor de documentación e redacción, de anos de esforzos e correccións, por fin sae do prelo esta novela. Lemos na súa contracapa:
  
"En el año del Señor de 1538 los grandes de Europa acuerdan una tregua y se aprestan a la defensa del orbe católico. El sultán Solimán ya ha puesto pie en Centroeuropa y, con el almirantazgo de Barbarroja, amenaza con hacer del Mediterráneo un mar otomano. Los venecianos y la propia Roma temen por su existencia y apelan al auxilio de los monarcas cristianos, siendo el emperador Carlos V el emblema de esta sagrada empresa. La forja de una cruzada está en marcha, y cuenta para ello con una de sus mejores armas, los temibles Tercios Viejos. En tierra del Turco, en un lugar llamado Castelnuovo, tres mil quinientos españoles escribirán una historia legendaria."

Parabéns, pois, para noso compañeiro Rafa!

jueves, 19 de noviembre de 2015

O club de lectura comeza un novo curso


Coa novela Maldito Karma, do escritor alemán David Safier, botamos a andar novamente o club de lectura Nautilus. Forzas renovadas e novas e novos compañeiros de viaxe nesta andaina. Axiña comentaremos a novela, que por certo, foi elixida a proposta dunha das nosas alumnas do club. Seguimos informando.

lunes, 1 de junio de 2015

Roteiros didácticos co grupo de teatro e o club de lectura


O mércores 27 e o xoves 28 de maio, estivemos de andaina cultural polas terras do norte. O grupo de teatro Tuéjele e o club de lectura Nautilus visitamos na cidade da Coruña o Teatro Colón, a RAG e a casa-museu de Emilia Pardo Bazán. Ao día seguinte fixemos un interesante roteiro natural polas fragas do Eume e remate con visita ao parque do Pasatempo en Betanzos. Dous días intensos e fermosos, cheos de compañeirismo, anécdotas, ensaios de teatro e descubrimentos marabillosos. Dá gusto facer actividades con esta xente!!

O club de lectura achégase aos grandes narradores galegos

Durante os meses de maio e xuño, o club de lectura Nautilus decidiu achegarse á mestría contística dos grandes narradores galegos do século XX: Dieste, Cunqueiro, Fole, Ferrín... Fixemos unha interesante escolma de relatos convertidos xa en clásicos imprescindíbeis da literatura galega. A sesión de maio estivo adicada aos relatos de Rafael Dieste, Dos arquivos do trasno. Realidade e fantasía, vivencias que se achegan ao sobrenatural, finais insospeitados, intrigas e desacougos. Agardamos á próxima sesión para seguir gozando coa prosa maxistral dos nosos mellores narradores. Nautilus, inmersión!!

jueves, 21 de mayo de 2015

Lendo nas Letras

Celebramos o pasado venres 15 un fermoso acto. Tan sinxelo e simple coma emotivo e necesario. Porque é necesario máis que nunca deixar voar as palabras en galego. Os poemas fermosos, as narracións extraordinarias, as verbas de mel e de ferro. As multicolaboradoras Paula Vázquez, Mónica Allo, Elisa Lema e Paula Santos leron con emoción e valentía textos en galegos de moi diversos autores, orixes e estilos. Lingua viva e activa, ouvidos espertos e intelixentes. Mil primaveras máis!!