Quedarás deslumbrado pola súa luz,

baixo da sombra verde do bosque.

A poesía é o grande milagre do mundo! 

         Luís Pimentel, Sombra do aire na herba (1959)

PARABÉNS NO DÍA MUNDIAL DA POESÍA!

Aquí tedes algunhas das nosas propostas de lectura. Achégate a velas e lembra que podes levalas en préstamo. 

FALLO XIX CERTAME DE MICRORRELATOS 

Un curso máis, o  Equipo de Dinamización da Lingua galega do IES Fernando Blanco, xunto con esta Biblioteca, queremos darvos a coñecer os relatos elixidos nesta nova edición. Así,  tras a reunion celebrada o xoves 6 de marzo ás 11 da mañá, o xurado deu a coñecer o seu fallo. 

         Moitos parabéns ao ganador e á ganadora!

A SEMANA QUE VÉN VÉMONOS NA BIBLIO E COMPARTIMOS LECTURAS ROSALIANAS

11F: Día Internacional da Muller e a Nena na Ciencia

Hoxe empezamos cunha pequena exposición de obras relacionadas con esta temática. Podémola ir aumentando. 

Anímaste? 

Agardámoste na Biblioteca. 

   LETRAS GALEGAS 2025

A Biblioteca prepárase xa desde xaneiro para un ano no que o noso cancioneiro popular e as cantareiras serán protagonistas. Música e poesía de mans dadas. 

Comezamos cunha pequeniña exposición de obras que integran os fondos da nosa Biblioteca xunto a adquisicións dos últimos anos. Evidentemente, ao longo do curso sumaremos as novidades que vaian vendo a luz con motivo da efeméride.  

TRIPULANTES DE NAUTILUS :

XANEIRO AGÁRDANOS REPLETO DE ENCONTROS PARA COMPARTIRMOS LECTURAS

VÉMONOS NA BIBLIOTECA!

                    XIX CERTAME DE MICRORRELATOS

IES FERNANDO BLANCO

      Un ano máis aquí vos deixamos as BASES deste concurso: 

            O RESULTADO SERÁ DADO A COÑECER O LUNS 3 DE MARZO

                 ORGANIZACIÓN: EDLG E EQUIPO DA BIBLIOTECA

Desde a Biblioteca do IES Fernando Blanco queremos desexarvos un Bo Nadal e un moi Feliz Ano Novo

Antes das vacacións, pasa pola biblioteca e leva en préstamo libros para desfrutar deste tempo de descanso. Estas son algunhas das nosas recomendacións e novas adquisicións.

O Club de lectura "Nautilus" leva un trimestre de obras compartidas como podedes ver no noso Instagram

Agora en decembro entregaranse as propostas lectoras para o Nadal

Premio BREVITER de microrrelatos 

O IES Arcebispo Xelmírez I de Santiago de Compostela fainos partícipes da  convocatoria do II Premio BREVITER de microrrelatos co apoio da Consellería de Educación, Ciencia, Universidades e Formación Profesional. "Follow me!" será o tema desta II edición e versa sobre os distintos propósitos da identidade dixital na Internet. As obras poderán presentarse en lingua galega, española, alemá, inglesa e portuguesa. Poderá concorrer calquera persoa, de calquera nacionalidade, que o 1 de marzo de 2025 teña cumpridos entre 12 e 18 anos e que estea cursando estudos preuniversitarios ou de formación profesional. Cada participante só poderá presentar unha única obra.

As obras poderán ser, ben microrrelatos literarios ou poemas de ata 100 palabras, ou ben microrrelatos audiovisuais de ata 60 segundos. Deberán presentarse en formato non editable e non conter datos que revelen a autoría e nomearse segundo as especificacións recollidas nas bases e contarán coas contías económicas seguintes:

500,00 euros para a obra gañadora na categoría de microrrelatos literarios ou poemas.

500,00 euros para a obra gañadora na categoría de microrrelatos audiovisuais.

De terdes interese, premede neste enlace que vos fará coñecer prazos, premios, bases, etc. 

      "SAMAÍN" ENTRE OS NOSOS LIBROS

 

Nas vísperas deste mes novembro (30 de outubro), a nosa Biblioteca, como é xa unha tradición ben consolidada, por iniciativa do EDLG, ofreceu o seu espazo ao mundo escuro e das tebras: os defuntos e as pantasmas que volven do máis alá. 

Testemuñas das historias interpretadas polos integrantes do grupo de teatro do noso centro (Tuéjele teatro):toda a comunidade educativa que fomos asistindo á xornada do Samaín rodeados dos nosos libros ataviados para a ocasión. 

Na páxina web do noso centro poderás acceder a máis fotos e información. 

ENTRE AS NOVIDADES DESTES DOUS MESES INICIAIS DO CURSO, A BIBLIOTECA DO IES FERNANDO BLANCO PRESÉNTAVOS A PRIMEIRA NOVELA DUNHA AUTORA BEN COÑECIDA PARA TODOS E TODAS NÓS:

A novela agárdate para levala en préstamo. Aquí che proporcionamos o enlace á ficha do noso catálogo para que poidas coñecer un pouquiño do seu argumento.