OS LIBROS DESTA TÚA  BIBLIOTECA ESTAREMOS Á VOLTA AGARDÁNDOTE

DESFRUTA DAS VACACIÓNS ! 😀

NOVAS OBRAS PARA O CLUB DE LECTURA NAUTILUS

Os tripulantes dos nosos clubs levarán para o Nadal as novas lecturas: 

        - Punto de araña
        - Manga: Dr. Stone, volume 1 (continúan nesta lectura)

Enrólaste connosco? 

O NOVO EXPOSITOR DE NOVIDADES AGÁRDATE

                            Ven botar un ollo! 👀

"NAUTILUS", o noso club de lectura,  xa comezou a súa viaxe.

         As propostas lectoras coas estamos neste momento son:

        - Un feiticeiro de Terramar: Historias de Terramar I
        - Manga: Dr. Stone, volume 1.

                Aínda podes incorporarte a estes grupos lectores.

                 Non o dubides e enrólate connosco!!

UN ANO MÁIS:

   "A BIBLIOTECA RECIBIU O SAMAÍN" 

 

O 30 de outubro, o grupo "Tuéjele teatro" do noso centro levounos da man das súas historias interpretadas entre os andeis da Biblioteca do Fernando Blanco, ao territorio do escuro e ao mundo dese más alá que ás veces habita entre nós. Coma en todas as celebracións anteriores desta data, da man do Equipo de Dinamización e Normalización Lingüística, o espazo foi ataviado para a ocasión e acolleu aos actores e actrices que tan ben nos conduciron entre defuntos, espíritos e pantasmas. 

        Na páxina web do noso centro poderás acceder a máis fotos e información. 

 

                   

Se queres formar parte dos nosos clubs de lectura, entre eles un de manga, anótate estes días. Podes facelo na propia Biblioteca ou dicíndollo a calquera dos teus profesores das linguas ou aos responsables da Biblioteca ou do propio Club de lectura que están pasando polas aulas. 

Procura estar pendente dos carteis que te irán informando das xuntanzas que imos celebrar, así como deste blog e do noso instagram. 

                Anímate a navegar e a sucar os mares da lectura compartida!! 

A Biblioteca do Fernando Blanco abre as súas portas un novo curso e os seus andeis cargados de libros convídanvos á súa lectura

Agardámosvos!!   😃

Un libro, a mellor compaña,
tamén en verán

 

Estes días, tal e como podedes ver no noso Instagram, realizáronse os últimos encontros cos nosos clubs de lectura. 

Eles deixáronnos as súas recomendacións na campaña "Patrocina un libro".

Se queredes , podedes velos e mesmo levalos en préstamo para o  verán.

Nos andeis físicos que presentan as nosas novidades ao longo do curso tamén atoparedes ideas. 

As nosas novidades incluídas no catálogo poden seducirvos e, por suposto, sempre é posible pedirnos consello. 

Animádevos, neste descanso estival tan merecido,  a estardes acompañados e acompañadas dun bo libro.

LETRAS GALEGAS 2025

Entrou este novo mes e achegámonos á celebración oficial de cada 17 maio. Como sabedes, esta Biblioteca, así como algúns departamentos, vimos traballando desde xaneiro nesta temática. 

O Día das Letras Galegas de 2025 está dedicado ás cantareiras. Para representar a esas mulleres que preservaron a tradición oral das cantigas galegas, dende a Real Academia Galega escolleron a:

• Adolfina e Rosa Casás, de Cerceda.
• Eva Castiñeiras, de Muxía.
• Prudencia, Asunción Garrido e Manuela Lema, tres das integrantes das Pandeireteiras de Mens, de Malpica de Bergantiños.

A nosa Biblioteca xa presentara varios dos fondos relacionados con esta temática, mais agora temos outras novidades para ofrecervos. 

Fernando Castro Paredes gaña o Premio Galaxia de Novela 75 Anos con O lanzador de coitelos

Hoxe, coincidindo co Día do Libro, a Biblioteca do IES Fernando Blanco quere compartir o orgullo e a enorme ledicia que lle produce vir de coñecer que un dos  integrantes do seu equipo desde hai anos, así como gran compañeiro de lecturas,  vén de gañar este prestixioso premio. 

Parabéns Fernando! 

Arelamos ter nas nosas mans esa novela. Nos andeis da Biblioteca xa ten reservado o seu oquiño. 

Enlaces á nova: 

- Páxina web do Instituto.

- Editorial Galaxia.

PARABÉNS NO DÍA DO LIBRO! 

Quedarás deslumbrado pola súa luz,

baixo da sombra verde do bosque.

A poesía é o grande milagre do mundo! 

         Luís Pimentel, Sombra do aire na herba (1959)

PARABÉNS NO DÍA MUNDIAL DA POESÍA!

Aquí tedes algunhas das nosas propostas de lectura. Achégate a velas e lembra que podes levalas en préstamo.