Día do Libro

Hoxe celebrouse o Día internacional do libro na Bibliofernandoblanco. Grupos da ESO acudiron á biblioteca para facer entre eles recomendacións de libros que teñan un significado importante na súa traxectoria. Ademais da actividade conxunta, o alumnado e as titoras de 1º ESO fixeron unha exposición no corredor recomendando libros que son do seu agrado e que lles gustaría compartir con todas e todos.

Aquí unas poucas imaxes da actividade.

A primeira vez

Na mañá de hoxe o alumnado do Fernando Blanco acudirá á representación da obre A primeira vez do grupo ceense Talía Teatro.  Moitas grazas a Talía pola súa invitación.

Visita da Libraría Aenea

Un curso máis a Libraría Aenea de Santiago visitou a nosa biblioteca traendo un montón de novidades das que comentou os seus aspectos máis relevantes.

Á biblioteca acudiron, durante toda a mañá e en varias quendas, alumnas e alumnas da ESO e Bacharelato para desfrutar das novidades para facer unha selección e completar así os nosos fondos.

XOGANDO COA CDU

Nunca está de máis lembrar a Clasificación Decimal Universal para ubicarnos na nosa biblioteca. A asesoría de bibliotecas escolares galegas envíanos este cartel de apoio, froito do Certame para elaboración de  materiais Xogando coa CDU.

25 de Novembro

Representación teatral

Tuéjele teatro segue coas súas representación. Logo de presentala o curso pasado no noso centro, en Cedeira, Corcubión e Cee, esta semana tocou Mazaricos. O CPI A Picota convidou ao grupo de teatro Tuéjele para representar a súa obra para todo o alumnado de secundaria do centro. O venres 16 ás 12:30h tivo lugar a representación na casa da cultura de Mazaricos. 

Moitas grazas ao centro por convidarnos e a todas as alumnas,alumnos, profesoras e profesores polas felicitacións!! 

A derradeira bala

A derradeira bala é o título do libro de Fernando Castro Paredes publicado recentemente pola editorial Galaxia. Moi pronto estará na biblioteca e todos poderedes desfrutar da súa lectura.

Parabéns ao noso compañeiro e amigo Fernando!!

SAMAÍN 2018/2019

Un curso máis a celebración do Samaín no Fernando Blanco foi un éxito!!
Houbo varios pases de lecturas dramatizadas para o alumnado do centro e este ano por primeira vez houbo un pase especial para os usuarios de APEM e familias das actrices e actores.
Moitas grazas a todos e a todas por vir.
ATA O ANO QUE VÉN!!
Lista de lecturas:
- As xemelgas.
- Un paquete para Laura.
- Adeus Papá.
- Estranxeira na súa patria.
- Esta neniña ten sono.
Este curso, como novidade, introduciuse a lectura de dous preciosos poemas do libro Follas Novas de  Rosalía de Castro:
- Claustro.
- Dulce Soño.

ESQUECIDOS

Hoxe tivemos unha visita moi especial no noso centro. A Compañía de Ópera ∏-Us do IES Punta Candieira de Cedeira representou no IES Fernando Blanco a súa obra “ESQUECIDOS”. 

Parabéns polo voso traballo!!

Fernando Castro Paredes gaña o I Certame de Textos Teatrais Roberto Vidal Bolaño

Non podemos estar máis contentos na bibliofernandoblanco!

Se a pasada semana publicábamos que Elisa Gómez, do grupo de Teatro Tuéjele gañaba o premio á mellor actriz no concurso Premios Buero de Teatro Xoven, hoxe é novamente o profesor Fernando Castro Paredes o que gaña o I Certame de Textos Teatrais Roberto Vidal. 

Fernando Castro impúxose a outros vintedous orixinais presentados coa obra  A derradeira bala da que o xurado sinala a habilidade coa que o autor trata temas como o amor e a guerra dunha maneira lúdica e sinxela.
Noticias de prensa
Faro de Vigo 
La Voz de Galicia
Atlántico.net
Cultura galega
Que pasa na costa

Revista galega do teatro

PREMIOS BUERO DE TEATRO XOVEN

Tuéjele teatro está de noraboa. A semana pasada celebrouse na sala Ágora da Coruña a Gala de entrega de premios de teatro xove Coca cola e Elisa Lema Gómez foi elixida a mellor actriz de teatro escolar polo papel de Marilín en Maldito Saxo. 

Felicitacións a Elisa e a Tuéjele teatro!! 

A FORZA DAS PALABRAS

O Equipo de normalización e dinamización da lingua galega encheron os corredores do centro de fermosas palabras en galego. Recompilamos algunha neste vídeo.

Feliz Día das Letras Galegas