AMPLIAMOS AS NOSAS EXPOSICIÓNS

Rosalía de Castro 

Incorporamos outros títulos desta autora con novas adquisicións da nosa biblioteca

Begoña Caamaño (Letras galegas 2026) 

Seguimos aumentando a colección de obras relacionadas coa autora homenaxeada este ano nas Letras galegas

8 DE MARZO:  ELAS E AS SÚAS VOCES

AS DAMAS QUE ANTANO CANTARON

Cantar o cantar das damas que foron, coas neves de 

antano e a soga ao pescozo. Suicidas por sobreviver.

Santas de levitar. Loucas de corazón. Coas palabras 

torcidas cantar como a água nas estalactitas do olvido.

 

Surxiron das telas, das doces telas perfumadas en que 

envolver os sentidos. No pensamento os paxaros 

asubiaban boleros. Eran nais e criadas coas mans

vermellas de esfregar e non bandeiras. Palabras de 

conformidade tiveron, señoras da navegación

subterránea.

 

Tamén tiñan corpo. Ese corpo burdel cos veludos

vermellos cambiados por fitas verdes de seda, meu 

señor. E si, si, si, palabra penélope da espera.

 

E alma para comprender sen precisar de ensinanza, 

siléncio, riso e alimento torrencial para amamantar

greis enteiras.

 

Asi foron feitas, carne de multiplicar e de verbo. Por iso

agora aqui quero

 

Cantar o cantar dos cantares, de Safo-alceu a

safiduría, con Afrodita nos mares incitando-te para que

te despeñes, e Helena para que saibas como morre o

Cazador por ti e por amor da morte.

 

O cantar de Exéria á ida e o de Prócula á volta, cos teus 

andares camiños entre as baladas do tempo.

 

De Hildegarda o latín que aprendeche en segredo, nos

conventos da noite, para acabar, case antonte, na 

interxección dun disparo.

 

De Murasaki Shikibu as colunas de signos que 

sosteñen Xapón e o teu escreber desde o fundo dos

mares.

 

De Rosa, Marie, Rosalía, Florbela, Dolores, Virxinia,

Simone e porque nunca seus nomes esqueza ninguén

de cantar Frida Khalo.

 

                                                LUÍSA VILLALTA (Letras galegas 2024)

VENAS VER,  LER,  SENTIR, COMPARTIR NA NOSA BIBLIOTECA

UNHA EXPOSICIÓN ACHEGARATE A ELAS E A MOITAS OUTRAS

FELIZ DÍA DAS LETRAS GALEGAS 

AS LETRAS GALEGAS 2023

NA BIBLIO AGÁRDAVOS A OBRA DO AUTOR HOMENAXEADO CON  NOVIDADES INCORPORADAS RECENTEMENTE  AO CATÁLOGO 

Letras galegas: a forza das palabras

Reviravolta, aturuxo, xurelo, xeito, parafuso, funil, landra, foliada,… máis de duascentas palabras galegas adornaron ó longo da semana do 12 ó 17 de maio os espazos comúns do noso instituto, penduradas ó longo dos corredores e nos ocos das escaleiras.

Como remate final a esta semana das Letras Galegas, o venres día 16 durante o recreo puidemos gozar dun recital poético preparado polo profesorado das linguas galega e castelá e o alumnado da ESO e Bacharelato. Neste acto tamén se entregaron os premios do VII certame de microrrelatos.

VII Concurso de microrrelatos

O venres 16 de maio no acto de celebración do Día das Letras Galegas, tivo lugar a entrega de premios do VII Certame de Microrreltos.

Estes son os dous microrrelatos gañadores da Categoría B (4ºESO e Bacharelato):

1º Premio

Confianza

Ela di que non se pode confiar en ninguén, que no único no que podes confiar, no único no que podes crer é en ti mesmo. En ti mesmo e na música.

A música soa de fondo.

Ela respira, pecha con forza os ollos e flexiona o seu dedo apretando o gatillo.

A música segue soando mentres cumpre a súa parte.

Ela xa non sentenada porque non puido cumprir a súa.

                                                              Paula Vázquez Castiñeira. 1º Bacharelato A

2º Premio

A salvo

Tiña frío, moito frío, non sentía as miñas extremidades, apenas era capaz de formular unha palabra. Chovía, sentía as pingas de auga caer sobre a miña cara, as cales limpaban o sangue, pero aumentaban o meu frío, o que me inmovilizou completamente.

Intentei pedir axuda pero non fun capaz.

Espertei, pensei, fun capaz de escapar daquel sitio…daquel home.

Durmín e cando espertei doíame todo, ao lonxe escoitei aos meus país que falaban co médio…e souben que estaba a salvo e choraban, pero eu ría…volvín quedar durmida e desta vez non volvín despertar.

                                         Margot Campetella Vilela. 1º Bacharelato A

As alumnas premiadas recibiron cadanseu vale de compra de 100€ e 50€ respectivamente a cambiar por material didáctico nas librarías de Cee.

Arredor do universo

Este xoves poesía, música e presentación de Nautilus.3 na bibliofernandoblanco.

LOIS PEREIRO

Untitled from INFORTIC on Vimeo.

Novoneyra

Bibliofernandoblanco

View more presentations from inforfb.

Ademais dos nosos traballos mostramos unha recopilación de presentacións nos cederon compañeiros doutros centros sobre O poeta do Courel.
Este envíanolo o ENDL do CPI O Progreso, grazas!!

UXÍO NOVONEYRA

View more presentations or Upload your own.

Grazas a Marina de biblioarzua polo seu fabuloso traballo Unha homenaxe a través da flora.

Open publication - Free publishing - More novoneyra

Letras Galegas 2010, Uxío Novoneyra, "O poeta do Courel"
Grazas a Loly Lago, O segrel do Penedo, e a Emilio Roca, Vilán, por compartir connosco o seu traballo, Follarasca de Uxío Novoneyra.

Open publication - Free publishing - More uxio-novoneyra

Cartel con poemas de Novoneyra

Correlingua 2010

Vídeo das fotos do Correlingua con música de Emilio Cao.